ត្បិតបានបង្ហាញទម្រង់លេងយ៉ាងល្អហួសពីការរំពឹងទុកនៅប្រកួតកម្តៅសាច់ដុំប៉ុន្មានប្រកួតកន្លងមកនេះ ប៉ុន្តែអនាគតរបស់ Kubo ដែលឲ្យរហ័សនាម ‘Messi ជប៉ុន’ គឺបានត្រឹមលេងនៅឈុត B តែប៉ុណ្ណោះនារដូវកាលក្រោយ។
ជាសារដែលបញ្ជាក់ចេញពីមាត់របស់លោក Zinedine Zidane នៅសន្និសីទសារព័ត៌មានកាលពីពេលថ្មីៗនេះ។ លោក Zidane បានប្រាប់ថា៖ “រឿងដែលល្អបំផុតនោះគឺ Kubo នឹងលេងជាមួយ Castilla តែហ្វឹកហាត់ជាមួយឈុតធំ ដើម្បីមើលថានឹងដំណើរការទៅបែបណា”។
លោកបន្ត៖ “Kubo ជាកីឡាករវ័យក្មេងដូច Rodrygo និង Vinicius អ៊ីចឹងដែរ បែបនេះយើងត្រូវប្រយ័ត្នខ្ពស់លើការអភិវឌ្ឍពួកគេដោយមួយៗ”។ ប្រភព: AF