ក្រុម PSG បានទម្លាក់តម្លៃ Neymar ពីជាង២០០លានផោន មកត្រឹមតែ១៦៥លានផោនប៉ុណ្ណោះ ក្រោយពីសាមីខ្លួនចង់ចាកចេញ ហើយក្លឹបក៏មានបំណងចង់លក់ចេញដែរ។
ដំបូងឡើយ PSG បានដាក់លក់ក្នុងតម្លៃ២៧៥លានផោនឯណោះ ប៉ុន្តែមិនមានក្លឹបណាមួយហានទិញឡើយ ដោយមានតែ Barcelona មួយគត់ ហើយពួកគេក៏មិនបង់លុយទាំងអស់ដែរ ដោយមានលក្ខខណ្ឌថែមកីឡាករ២ទៅ៣នាក់វិញ។ ក្រោយពីការចរចាគ្នាមិនត្រូវ ហើយគ្មាននរណាចង់បាននោះ ពេលនេះ PSG មានប្រម៉ូតសិន ជាពិសេសហើយ។
ប្រភពនៅបារាំងបញ្ជាក់ថា PSG បញ្ចុះតម្លៃច្រើនសម្រាប់តម្លៃខ្លួន Neymar ។ ដោយបច្ចុប្បន្នពួកគេដាក់ក្នុងតម្លៃតែ១៦៥លានផោនប៉ុណ្ណោះ ទាបជាងតម្លៃពីមុនដល់ជាង១០០លានផោន។ ដោយតម្លៃនេះទៀតសោត គឺ PSG ចង់បានលុយសុទ្ធតែម្ដង ដោយមិនមានការបន្ថែមកីឡាករអ្វីទេ។ ក្រុមអ្នកមាននៅបារាំងនេះ បញ្ជាក់ថាពួកគេមិនត្រូវការកីឡាករក្រុម Barcelona ណាម្នាក់ឡើយ៕ប្រភព៖ Dailymail