តារាឆ្នើម Harry Maguire របស់ក្លឹប Leicester City នឹងប្រកាសជាបេក្ខភាពចំណូលថ្មីទីបីរបស់ក្លឹបបិសាចក្រហមនៅទីផ្សារដោះដូររដូវក្តៅនាប៉ុន្មានថ្ងៃខាងមុខនេះ ក្រោយកិច្ចព្រមព្រៀងដំណាក់កាលចុងក្រោយបានចរចាដោយជោគជ័យ។
របាយការណ៍ពី Gianluca Di Marzio បានចុះផ្សាយ Leicester បានគោរពនិងឲ្យតម្លៃដល់ក្តីប្រាថ្នារបស់ Maguire ក្នុងការចង់ផ្លាស់ទៅចូលរួមនៅ Old Trafford បែបនេះទើបក្លឹបព្រមព្រៀងផ្ទេររូបគេចេញតែម្តងទៅ។
Maguire បានក្លាយជាគោលដៅដែលលោក Solskjaer តាមប្រមាញ់ជាយូរណាស់មកហើយ ខណៈក្លឹបទំនងជាទូទាត់នូវសាច់ប្រាក់ប្រមាណ ៨០ លានផោនដល់ខ្សែការពារវ័យ ២៦ ឆ្នាំរូបនេះ។
ប្រសិនដំណឹងនេះជាការពិត នោះកីឡាករអង់គ្លេសនឹងប្រែក្លាយជាខ្សែការពារមានតម្លៃខ្លួនថ្លៃជាងគេបំផុតក្នុងលោក បន្ទាប់ពី Virgil van Dijk របស់ហង្សក្រហម Liverpool ដែលទទួលបានតម្លៃខ្លួន ៧៥ លានផោនកាលពីខែមករាឆ្នាំ ២០១៨។ ប្រភព៖ AF