Eden Hazard ឡើងគីឡូលើសធម្មតា៧គីឡូក្រាម នៅពេលគេផ្លាស់មកលេងនៅក្លឹប Real Madrid នារដូវក្ដៅនេះ ដែលធ្វើឱ្យរូបរាងខុសប្លែកពីមុន។
Hazard ជាកីឡាករម្នាក់ដែលត្រូវបានអ្នកគាំទ្ររំពឹងថានឹងលេងបានល្អ ជួយក្រុមបានច្រើនសម្រាប់រដូវកាលថ្មីខាងមុខ។ តែផ្ទុយទៅវិញ សម្រាប់ការប្រកួតមិត្តភាពមុនបើករដូវកាលនេះ ខ្សែប្រយុទ្ធបែលហ្សិកមិនទាន់បានបង្ហាញអ្វីធ្វើឱ្យអ្នកគាំទ្រពេញចិត្តឡើយ តែបែរជាមានដំណឹងហួសចិត្តមួយទោវិញ។
ប្រភពបានបញ្ជាក់ថា Hazard មករួមក្រុម Real Madrid នេះ គឺលើសគីឡូធម្មតារបស់គេដល់ទៅ៧គីឡូក្រាមឯណោះ។ ដូច្នេះហើយ ទើបបានជារូបរាងរបស់គេធាតុ ខុសពីកាលនៅ Chelsea ច្រើន។ គេរំពឹងថា កីឡាករឆ្នើមរូបនេះនឹងអាចសម្រកទម្ងន់របស់ខ្លួន ហើយស្វែងរកទម្រង់លេងល្អរបស់គេបានវិញសម្រាប់ការបើករដូវកាលនេះ៕ប្រភព៖ Dailymail
