អតីតវីរបុរសប្រចាំក្លឹប Manchester United លោក Patrice Evra បានប្រកាសពីការចូលនិវត្តន៍ក្នុងវិស័យកីឡាបាល់ទាត់ត្រឹមវ័យ ៣៨ ឆ្នាំនេះហើយ ជាមួយនឹងគោលដៅកំពុងរៀបចំខ្លួនត្រៀមក្លាយជាអ្នកចាត់ការនៅថ្ងៃអនាគត។
រួមរស់នៅបិសាចក្រហមអស់រយៈពេល ៨ ឆ្នាំ និងបន្តឈរជើងឲ្យសេះបង្កង់បាន ៣ ឆ្នាំ លោក Evra បានប្រកាសជាមួយសារព័ត៌មាន Gds កាលពីថ្ងៃចន្ទនេះថា៖ “អាជីពរបស់ខ្ញុំនាមជាកីឡាករត្រូវបញ្ចប់ផ្លូវការហើយ”។
លោកបន្ត៖ “ខ្ញុំបានចាប់ផ្តើមរៀនសូត្រមេរៀន UEFA B Coaching License នាឆ្នាំ ២០១៣ ហើយពេលនេះចង់បញ្ចប់អាជ្ញាប័ណ្ណ UEFA A ថែមទៀត ពោលគឺក្នុងរយៈពេល ១ ឆ្នាំកន្លះ បើគ្រប់យ៉ាងដំណើរការរលូន ខ្ញុំនឹងត្រៀមខ្លួនរួចរាល់ក្នុងការដឹកនាំក្រុម”។ ប្រភព៖ AF
