ក្រុម Arsenal បានយល់ព្រមទិញកីឡាករ Nicolas Pepe ពីក្រុម Lille ហើយក្នុងតម្លៃខ្លួនខ្ពស់ខ្លាំងដល់ទោ៧២លានផោនឯណោះ។មុនបើករដូវកាលក្រុម Arsenal បានបញ្ជាក់ថាពួកគេមិនអាចចំណាយប្រាក់ច្រើនក្នុងការទិញដូរកីឡាករបាននោះទេ។ តែជាក់ស្ដែង ក្រុមកាំភ្លើងធំនេះមិនគោរពសម្ដីឡើយ ពោលគឺបានជះលុយច្រើនមែនទែន ក្នុងការទិញយកកីឡាករម្នាក់ពីក្រុម Lille។ ប្រភពបានបញ្ជាក់ថាក្លឹបទាំងពីរបានយល់ព្រមគ្នាអស់ហើយ នៅឡើយតែចុះកុងត្រាប៉ុណ្ណោះនឹងអាចបង្ហាញមុខកីឡាករថ្មី Pepe បាន។ខ្សែប្រយុទ្ធវ័យ២៤ឆ្នាំខាងលើនេះរកបាន២៣គ្រាប់ឱ្យ Lille រដូវកាលមុន។ រូបគេលេងនៅប្រយុទ្ធស្លាប ប៉ុន្តែក៏អាចលេងប្រយុទ្ធកណ្ដាលបានផងដែរ៕
ប្រភព៖ BBC