Antoine Griezmann សប្បាយចិត្តរហូតដល់យំ សម្រាប់ការបានទៅលេងឱ្យក្រុម FC Barcelona ដែលជាក្ដីស្រមៃខ្លួនក្លាយជាការពិត។
Griezmann ផ្លាស់ទៅលេងនៅ Barcelona ក្នុងតម្លៃខ្លួន១០៨លានផោន។ កីឡាករបារាំងនេះ បានលាអ្នកគាំទ្រ AT Madrid ថាខ្លួននឹងចាកចេញតាំងពីមិនទាន់មានការប្រកាសផ្លូវការឯណោះ។ ខណៈដែលការប្រកាសផ្លូវការចេញភ្លាម ខ្លួនបានទូរសព្ទទៅគ្រួសារថាសុបិនក្លាយជាការពិតហើយ និងសប្បាយចិត្តខ្លាំងបំផុតរហូតដល់ស្រក់ទឹកភ្នែកឯណោះ។
“ខ្ញុំទូរសព្ទទៅឪពុករបស់ខ្ញុំ និងស្រក់ភ្នែកតែម្ដងសម្រាប់សុភមង្គលនេះ។ មានបញ្ហាច្រើនណាស់សម្រាប់ការផ្ទេរនេះ ប៉ុន្តែចុងក្រោយវាបានដោះស្រាយយ៉ាងល្អ។ អ្វីដែលខ្ញុំចង់ធ្វើពេលដឹងថាការផ្ទេរសម្រេចនោះ គឺបញ្ឈប់ដំណើរវិស្សមកាល ហើយចាប់ផ្ដើមមកហ្វឹកហាត់តែម្ដង”។ សម្ដី Griezmann៕ប្រភព៖ Dailymail
