ខ្សែបម្រើចំណូលថ្មីរបស់ក្លឹបអ្នកមានបុណ្យ Frenkie de Jong បានជជែកដល់អនាគតរបស់ Neymar ក្រោយល្ហិចល្ហៀងថាកីឡាករប្រេស៊ីលរូបនេះកំពុងមានភាគរយអាចវិលត្រលប់មកចូលរួមនៅទឹកដីអេស្ប៉ាញ។
Neymar ដែលចាកចេញទៅចូលរួមនៅក្លឹបសេដ្ឋីបារាំងកាលពីឆ្នាំ ២០១៧ នៅតម្លៃខ្លួន ២២២ លានអឺរ៉ូ ក៏ត្រូវបាន De Jong បើកដៃទាំងពីរស្វាគមន៍និងមិនជំទាស់អ្វីឡើយសម្រាប់ការត្រលប់របស់ខ្សែប្រយុទ្ធឆ្នើមរូបនេះ។
De Jong បាននិយាយថា៖ “តាមពិតទៅខ្ញុំពិតជាចង់លេងជាមួយ Neymar ដោយគាត់គឺជាកីឡាករដ៏ល្អ តែវាមិនសម្រេចលើខ្ញុំទេថាគាត់អាចមក Barcelona ឬក៏អត់នោះ”។ នេះជាសម្តីដែលបាននិយាយជាមួយសារព័ត៌មាន Sport។
យុវជនរូបនេះបន្ថែមទៀតថា៖ “ខ្ញុំគិតថា Neymar គាត់ល្អបំផុតក្នុងលោក ពោលគឺខ្ញុំចង់លេងជាមួយអ្នកគ្រប់គ្នាទាំងអស់ មិនថាតែ Messi ម្នាក់ឡើយ”។ ប្រភព៖ Sportskeeda
