ក្រុម Manchester United បានបដិសេធសំណើ៥៤លានផោនរបស់ Inter Milan ដែលចង់បានខ្សែប្រយុទ្ធ Lukaku ទៀតហើយ។ក្រុម Inter Milan ចង់បាន Lukaku ដេញថ្លៃប៉ុន្មានដងមកហើយ តាំងពីដំបូងឡើយចង់ខ្ចីជើង រហូតដល់ទិញដាច់ហើយដាក់តម្លៃដល់៥៤លានផោនទៀត ប៉ុន្តែចុងក្រោយបានត្រឹមខកចិត្តប៉ុណ្ណោះ។ បិសាចក្រហម បានច្រានចោលសំណើតម្លៃខ្លួន៥៤លានផោននេះហើយ ដោយពួកគេនៅតែរក្សាតម្លៃ៧៥លានផោនដដែល ទើបព្រមលក់ចេញ។
លោក Conte អ្នកចាត់ការក្រុម Inter បានបញ្ជាក់ថាលោកពេញចិត្តខ្សែប្រយុទ្ធបែលហ្សិកនេះតាំងពីនៅដឹកនាំក្រុម Chelsea ម្ល៉េះ ប៉ុន្តែគ្រានោះប្រជែងមិនឈ្នះក្រុម Man Utd ទើបបានជា Lukaku ត្រូវទៅលេងនៅ Old Trafford ដូច្នេះ។ លោករំពឹងថារដូវក្ដៅនេះ នឹងអាចទិញយកកីឡាករមាឌធំនេះបាន ក្រោយពីក្រុមរបស់លោក Ole មិនសូវប្រើប្រាស់គេឡើយ៕
ប្រភព៖ BBC