Lionel Messi កំពុងសម្រាកលំហែកាយជាមួយក្រុមគ្រួសារ មុនពេលត្រូវត្រលប់មកហ្វឹកហាត់ជាមួយក្រុម FC Barcelona វិញនៅប៉ុន្មានថ្ងៃខាងមុខនេះ។
ប៉ុន្មានសន្លឹកដែលប្រពន្ធរបស់ Messi បង្ហោះនោះ សុទ្ធតែបានបង្ហាញពីស្នាមញញឹម និងជំហរបញ្ជាក់ថាកីឡាករអាហ្សង់ទីននេះ នៅតែអាចទៅមុខទៀតបាន បើទោះជាទើបជួបរឿងពិបាកចិត្ត មិនអាចជួយក្រុមឈ្នះពានរង្វាន់ Copa America បានក៏ដោយ។ កីឡាករម្ចាស់អាវលេខ១០រូបនេះ ក្រោយពីចប់ព្រឹត្តិការណ៍ Copa បានរិះគន់អាជ្ញាកណ្ដាលនិងអ្នករៀបចំជាខ្លាំង ដែលបណ្ដាលឱ្យរូបគេអាចនឹងប្រឈមជាមួយការពិន័យផងដែរ។
យ៉ាងណាមិញ Antonela នៅតែអាចធ្វើឱ្យ Messi មានស្នាមញញឹមវិញដដែល ជាមួយកូនៗរបស់ពួកគេយ៉ាងសប្បាយចិត្តរីករាយ ដើម្បីត្រៀមត្រលប់មកចូលលេងឱ្យ Barcelona វិញ៕ប្រភព៖ Dailymail
