អនាគតរបស់ James Rodriguez កាលពីដំបូងឡើយ ហាក់មានក្លឹប Napoli មួយគត់ ដែលចូលខ្លួនចរចាចង់នាំយករូបគេចេញពីក្លឹប Real Madrid ក្រោយផុតកុងត្រាខ្ចីជើងនៅក្លឹបអាល្លឺម៉ង់ Bayern Munich នារដូវកាល ២០១៨/១៩។
ខ្សែប្រយុទ្ធវ័យ ២៨ ឆ្នាំមកទល់ពេលនេះមានក្លឹបកំពូលដែលជាទ្រនំជិតខាងមួយទៀត គឺ Atletico Madrid បានរាយការណ៍ថាហ៊ានដាក់ទុនដល់ ៥០ លានអឺរ៉ូ ប្រសិនណាស្តេចសព្រមព្រៀងលក់ James ឲ្យមកខ្លួន ជាជាងព្រមផ្លាស់ឲ្យទៅក្លឹប Napoli នៅលីគកំពូល Serie A។
ក្រឡេកទៅមើល Napoli ក៏មានផ្លូវមួយផ្សេងទៀត ដោយប្រសិនណាបរាជ័យក្នុងការនាំយកតារាឆ្នើមសញ្ជាតិកូឡុំប៊ី នោះពួកគេនឹងបង្វែរការចង់បានទៅលើ Nicolas Pepe ដែលជាជើងស៊ុតមួយរូបរបស់ Ligue 1 វិញ។ ប្រភព៖ Sportskeeda
