Dani Alves ដែលជាអតីតមិត្តរួមក្រុម Lionel Messi ក៏បានចេញមុខមកឆ្លើយតបចំពោះការនិយាយស្ដីដាក់បន្ទុកខ្លាំងរបស់កីឡាករអាហ្សង់ទីន ដែលចោទថាមានអំពើពុករលួយពេលប្រកួត Copa America ដែរ។
Messi បានចោទប្រកាន់ប្រេស៊ីល និងសហព័ន្ធកីឡាបាល់ទាត់អាមេរិកខាងត្បូង ថារួមគំនិតគ្នា រៀបចំឱ្យពាន Copa America ឆ្នាំនេះបានទោប្រេស៊ីលតែម្ដង។ ការនិយាយស្ដីបែបនេះ បានធ្វើឱ្យមានប្រតិកម្មយ៉ាងច្រើនពីសំណាក់ក្រុមកីឡាករប្រេស៊ីល ដោយសូម្បីតែ Alves ដែលជាអតីតមិត្តរួមក្រុមជាមួយ Messi នៅក្រុម Barcelona ក៏ឆ្លើយតបដូចគ្នា។
កីឡាករដែលឈ្នះពានរហូតដល់៤០ច្រើនជាងកីឡាករណាទាំងអស់ខាងលើ បាននិយាយដូច្នេះ៖ “មិត្តគឺមិត្ត ប៉ុន្តែខ្ញុំត្រូវតែនិយាយពាក្យពិត។ Messi បានបង្ហាញពីការមិនគោរពដល់ការរៀបចំ។ ខ្ញុំមិនយល់ស្របចំពោះអ្វីដែលគាត់និយាយទេ។ គាត់ត្រូវទទួលស្គាល់លទ្ធផល ខ្ញុំគិតថាគាត់និយាយពាក្យទាំងអស់នោះគឺខុសហើយ”៕ប្រភព៖ Goal
