Nguyen Cong Phuong ខ្សែប្រយុទ្ធឆ្នើមរបស់វៀតណាម បានផ្លាស់ទៅលេងនៅក្លឹប Sint-Truidense V.V របស់បែលហ្សិកហើយ ក្រោមលក្ខខណ្ឌខ្ចីជើង១រដូវកាល។
កីឡាករវ័យ២៤ឆ្នាំខាងលើនេះ មានទំនាក់ទំនងផ្លាស់ទៅលេងនៅក្លឹបខាងលើជាយូរមកហើយ ដោយទើបមានការប្រកាសជាផ្លូវការពេលនេះប៉ុណ្ណោះ។ កីឡាករដែលនឹងពាក់អាវលេខ១៥នៅក្លឹបថ្មី បាននិយាយក្នុងការបង្ហាញខ្លួននោះដែរថា៖ “ពិតជាមានមោទនភាពក្នុងការចូលរួមក្រុមនេះ វាជាការចាប់ផ្ដើមថ្មីមួយទៀតក្នុងអាជីពបាល់ទាត់របស់ខ្ញុំ”។
Sint-Truidense V.V លេងនៅលីគកំពូលបែលហ្សិក ដោយរដូវកាលមុនពួកគេបានចំណាត់ថ្នាក់លេខ៧ក្នុងតារាង៕ប្រភព៖ Foxsportsasia