ក្លឹបយក្ស Atletico Madrid របស់អេស្ប៉ាញបានជោគជ័យក្នុងការនាំយកយុវជនឆ្នើម Joao Felix ចេញពីក្លឹប Benfica នៅតម្លៃខ្លួន ១២៦ លានអឺរ៉ូ។
ក្លឹបឈរលេខ ២ នៅ LaLiga បានដាក់សំណើផ្ញើរទៅកាន់ក្លឹបព័រទុយហ្គាល់កាលពីថ្ងៃព្រហស្បតិ៍សប្តាហ៍មុន លុះ ៦ ថ្ងៃបន្ទាប់កិច្ចព្រមព្រៀងក៏សម្រេចធ្វើទៅបានយ៉ាងភ្ញាក់ផ្អើលបំផុត។ កាលពីរដូវកាល ២០១៨/១៩ យុវជនវ័យ ១៩ ឆ្នាំរូបនេះរកបាន ២០ គ្រាប់ ជាប់នាមជាកីឡាករវ័យក្មេងបំផុតដែលអាចស៊ុត Hat-Trick នៅ Europa League កាលពីខែមេសា។
មានក្លឹបជាច្រើនដែលចង់បាន Felix មិនថា Juventus, Man City និង Man Utd ប៉ុន្តែទីបំផុត Atletico ជាអ្នកឆ្មក់យកបាន តាមរយៈការផ្តល់សំណើខ្ពស់ជាងការទាមទាររបស់ប្រធានក្លឹបដល់ទៅ ៦ លានអឺរ៉ូ។
Felix ជាប់កុងត្រាដល់ឆ្នាំ ២០២៦ ជាមួយក្លឹបមានមូលដ្ឋាននៅទីក្រុង Madrid ហើយរូបគេរំពឹងនឹងជំនួសតំណែង Antoine Griezmann តាមរយៈការប្រើប្រាស់អាវលេខ ៧។ ប្រភព៖ Sportskeeda
