• ចុម! ​អ្នក​ចាំ​ទី​របស់​អ៊ីស្លង់​ ដែល​សង្គ្រោះ​បាល់​ Messi ​បាន​ជា​អ្នក​ដឹក​នាំ​រឿង​សោះ

    Hannes Dor Halldorsson ​ជា​អ្នក​ចាំ​ទី​របស់​ក្រុម​អ៊ីស្លង់ ​កំពុង​ល្បី​ឈ្មោះ​ក្រោយ​ពី​អាច​សង្គ្រោះ​បាល់​១១​ម៉ែត្រ​របស់​កំពូល​កីឡាករ Lionel Messi ​បាន។

    ​ក្រោយ​ពី​បង្ហាញ​ខ្លួន​ដំបូង​នៅ World Cup ហើយ​ធ្វើ​បាន​ល្អ​ថែម​ទៀត​នោះ ​រូបគេ​ត្រូវ​បាន​ប្រជាជន​អ៊ីស្លង់​ស្គាល់​ថា​ជា​អ្នក​ដឹក​នាំ​រឿង ​និង​ដឹក​នាំ​ការ​ថត MV ​ឱ្យ​ខាង​ផលិត​កម្ម​ Icelandic film studio SagaFilm ​ថែម​ទៀត​ផង។ បុរស​រូប​នេះ ​បាន​និយាយ​ថា​ខ្លួន​នឹង​ចូល​វិស័យ​ភាពយន្ដ​វិញ ​បន្ទាប់​ពី​ការងារ​បាល់ទាត់​នេះ ប៉ុន្តែ​បច្ចុប្បន្ន​ចង់​គិត​ពី​ការ​លេង​ឱ្យ​ជម្រើស​ជាតិ​សិន។

    Halldorsson ​បាន​និយាយ​ដែរ​ចំពោះ​ការ​សង្គ្រោះ​បាល់​បាន ​ដោយ​លោក​លើក​ឡើង​ថា​មុន​ការ​ប្រកួត ​តែងតែ​មើល​វីដេអូ​របស់ Messi ​លេង ​ការ​ស៊ុត ​ការ​អូស​បាល់​ញាក់ ​និង​ជា​ពិសេស​នោះ​គឺ​ការ​ទាត់​ប៉េណាល់ទី​របស់​គេ​តែ​ម្ដង។ ​ជា​លទ្ធផល​ការ​ទាត់​បាល់​ប៉េណាល់ទី​ក៏​មាន​ពិត​មែន ហើយ​លោក​បាន​យក​មេរៀន​ទាំង​នោះ​មក​អនុវត្តន៍ ​និង​ទទួល​បាន​ជោគជ័យ​តែ​ម្ដង។

    សូម​បញ្ជាក់​ថា​ក្រុម​ជម្រើស​ជាតិ​អ៊ីស្លង់ ​ជា​ក្រុម​ប្រទេស​មួយ​ដែល​តូច​ជាង​គេ​នៅ World Cup ​ឆ្នាំ​នេះ ពោល​គឺ​ប្រទេស​នេះ​មាន​ប្រជាជន​តែ​ជាង​៣​សែន​នាក់​ប៉ុណ្ណោះ។ កីឡាករ​លេង​បាល់ទាត់​មាន​ត្រឹម​១០០​នាក់ ​ប៉ុន្តែ​សន្ទុះ​នៃ​ការ​គាំទ្រ​វិញ​គឺ​ពិត​ជា​ច្រើន​មែនទែន។ ប្រកួត​ដំបូង​របស់​ពួកគេ គឺ​អាច​ទប់​បាន​ស្មើ​អាហ្សង់ទីន ១-១៕ប្រភព៖ wiwibloggs

     

    ភ្ជាប់ទំនាក់ទំនងជាមួយ CTS SPORT