ក្រុម Barcelona គ្រោងនាំបង្ហាញមុខកីឡាករចំណូលថ្មីរបស់ខ្លួន នៅថ្ងៃនេះតែម្ដង ក្រោយពីធ្វើការចរចាគ្នាអស់ពេលជាយូរមកហើយនោះ។
កីឡាករចំណូលថ្មីដែលក្រុមអ្នកមានបុណ្យនឹងបង្ហាញមុខនោះគឺ Griezmann ដែលទិញពីក្រុម Atletico Madrid ។ ប្រភពបញ្ជាក់ទៀតថាតម្លៃខ្លួនរបស់គេ គឺប្រហែលជា១២០លានអឺរ៉ូ ជាមួយកុងត្រា៥ឆ្នាំ ដែលសាមីខ្លួនទទួលបានតម្លៃពលកម្មដល់ទៅ១៥លានអឺរ៉ូក្នុង១ឆ្នាំ។ កីឡាករបារាំងនេះ គឺជាបេក្ខភាពមួយរូបដែលក្លឹបចរចាយកតាំងពីខែមុនមកម្ល៉េះ។
កីឡាករដែលជួយបារាំងលើកពាន World Cup 2018 រកបាន២១គ្រាប់ឱ្យក្រុម AT Madrid ក្នុងការបង្ហាញខ្លួន៤៨ប្រកួតកាលពីពេលកន្លងទៅ។ ខ្សែប្រយុទ្ធរូបនេះ បានប្រកាសចាកចេញពីក្រុមភ្លាមៗ នៅចុងរដូវកាលកន្លងទៅ ដែលធ្វើឱ្យអ្នកគាំទ្រភ្ញាក់ផ្អើលជាខ្លាំង៕ប្រភព៖ Foxsportsasia