ក្លឹបយក្សបារាំង Paris Saint-Germain ថ្មីៗនេះទើបតែព្រមព្រៀងលើការលក់ចេញកីឡាករ Timothy Weah ឲ្យទៅក្លឹប Lille ដែលស្ថិតក្នុងក្របខ័ណ្ឌ Ligue 1 តែមួយ។ នេះបើតាមសេចក្តីបញ្ជាក់ផ្លូវការចុះផ្សាយចេញពីក្លឹបកាលពីថ្ងៃសោរ៍។
យុវជនវ័យ ១៩ ឆ្នាំរូបនេះ ជាកូនប្រុសរបស់អតីតកីឡាករជើងចាស់ George Weah ដែលបានចុះហត្ថលេខារយៈពេល ៥ ឆ្នាំជាមួយក្លឹប Lille លើតម្លៃខ្លួនប្រមាណ ១១,៤ លានដុល្លារអាមេរិក។
Timothy Weah ធ្លាប់បានបង្ហាញខ្លួន ៨ លើកឲ្យក្រុមជម្រើសជាតិអាមេរិក ដោយរកបាន ១ គ្រាប់ ប៉ុន្តែការលេងឲ្យក្លឹប PSG ហាក់មិនទទួលបានផ្លែផ្កានោះទេ ពោលគឺក្លឹបបានដាក់ឲ្យ Celtic ខ្ចីជើងពេញមួយរដូវកាល។
យ៉ាងណាមិញសារនេះក៏ឆ្លើយតបទៅនឹងការព្រមានរបស់ UEFA ជុំវិញការល្មើសច្បាប់លើទំហំចំណាយច្រើនលើសលប់ដែលក្លឹបស្ថិតក្រោមការដឹកនាំដោយសេដ្ឋីជនជាតិអារ៉ាប់បានចាយកាលពីពេលកន្លងមក។ ប្រភព៖ BeSoccer
