ខ្សែប្រយុទ្ធ Luis Suarez ស៊ុតប៉េណាល់ទីមិនចូលគ្រាប់ទី១ ធ្វើឱ្យក្រុមអ៊ុយរុយហ្គាយធ្លាក់ចេញពីពានរង្វាន់ Copa America ក្រោមថ្វីជើងប៉េរូបាត់ទៅហើយ។ការប្រកួតនៅវគ្គ៨ក្រុមនេះ អ៊ុយរុយហ្គាយ ព្យាយាមវាយសម្រុកខ្លាំងមែនទែន ខណៈដែលប៉េរូវិញទប់និងពេញ៩០នាទីពួកគេស៊ុតមិនចំគោលដៅបានម្ដងឡើយ។ យ៉ាងណាមិញ ការទប់បានស្មើរហូតដល់៩០នាទីនេះ បានធ្វើឱ្យក្រុមប៉េរូមានឱកាសផ្សងសំណាងជាមួយអ៊ុយរុយហ្គាយបាន នៅវគ្គទាត់បាល់១១ម៉ែត្រ។
នៅវគ្គនេះហើយ គ្រាប់ទី១ដែលរបស់អ៊ុយរុយហ្គាយដែលស៊ុតដោយ Suarez នោះ មិនចូលទីឡើយ ដែលនេះធ្វើឱ្យប៉េរូកាន់តែមានកម្លាំងចិត្ត។ ជាលទ្ធផលពួកគេស៊ុតចូលបានទាំង៥គ្រាប់ ខណៈដែលអ៊ុយរុយហ្គាយវិញ បានតែ៤គ្រាប់ប៉ុណ្ណោះ។ ដូច្នេះហើយ ប៉េរូជាក្រុមឡើងវគ្គ៤ក្រុមចុងក្រោយ ដោយឈ្នះអ៊ុយរុយហ្គាយ ៥-៤៕
ប្រភព៖ DailyMail