សហព័ន្ធបាល់ទាត់ UEFA បានដាក់ពិន័យខ្សែប្រយុទ្ធ Neymar មិនឱ្យលេង៣ប្រកួតនៅក្របខណ្ឌ UEFA Champions League ចំពោះទង្វើរបស់គេកាលពីរដូវកាលមុន។
កីឡាករប្រេស៊ីលខាងលើនេះ បានជេរអាជ្ញាកណ្ដាល និងមើលងាយការសម្រេចចិត្តរបស់ UEFA ក្នុងការប្រកួតដែល PSG ចាញ់ក្រុម Man Utd ។ រឿងនេះ ខាង UEFA បានធ្វើការពិន័យរូបគេ៣ប្រកួតមិនឱ្យលេងរដូវកាលក្រោយ ខណៈដែលការតវ៉ាក៏មានផងដែរ តែមិនអាចបន្ថយទោសនេះបានឡើយ។
កត្តានេះហើយ នឹងធ្វើឱ្យកីឡាករវ័យ២៧ឆ្នាំនេះ កាន់តែពិបាកថែមទៀត ត្បិតអីបច្ចុប្បន្នកំពុងដោះស្រាយរឿងស្ត្រីម្នាក់ប្ដឹងពីបទរំលោភផងនោះ។ ខណៈដែលខ្លួនវិញ ក៏មានរបួសថែមទៀត ខកខានឱកាសបង្ហាញសមត្ថភាពនៅ Copa America ទៅហើយ៕ប្រភព៖ Bbc