ក្រុមបិសាចក្រហម Manchester United ត្រៀមតំឡើងប្រាក់ឈ្នួល Pual Pogba ដល់ ៥០០ ០០០ផោនក្នុង១សប្ដាហ៍ ដើម្បីរក្សារូបគេឱ្យនៅបន្ដបាន។
Pogba តែងបង្ហើបពីគោលបំណងចង់ចាកចេញពី Man Utd ដោយខ្លួនអះអាងថា៣ឆ្នាំនៅទីនេះ ល្មមសម្រាប់គេដើម្បីទៅរកកន្លែងថ្មីហើយ។ យ៉ាងណាមិញ ក្រុមបិសាចក្រហមមិនទាន់ចង់ឱ្យរូបគេទៅណាឡើយ ដោយចង់បន្ដទុកខ្សែបម្រើរូបនេះទៀតនារដូវកាលក្រោយ ព្រោះលោក Ole ជឿជាក់ថា Pogba នេះ នឹងជួយក្រុមលោកបានច្រើន។
ដើម្បីទប់កុំឱ្យរូបគេចាកចេញទៅក្លឹបផ្សេងបាន ក្រុម Man Utd កំពុងចរចាតំឡើងប្រាក់ឈ្នួលដល់កីឡាករបារាំងរូបនេះហើយ។ បើតាមប្រភពពីក្លឹប Man Utd នឹងតំឡើងដល់ ៥០០ ០០០ផោនក្នុង១សប្ដាហ៍ ដើម្បីឱ្យយុវជនរបស់ខ្លួនម្នាក់នេះមិនអាចទៅក្លឹបដទៃបាន៕ប្រភព៖ Dailymail