ក្រុមបាល់ទាត់ជម្រើសជាតិហុល្លង់ បានឡើងទៅវគ្គផ្ដាច់ព្រ័ត្រពានរង្វាន់ Nations League ហើយ ក្រោយពីយកឈ្នះលើក្រុមអង់គ្លេស ៣-១ នៅម៉ោងបន្ថែម។
ការប្រកួតរវាងក្រុមខ្លាំងទាំងពីរនេះពិតជាល្អមើលខ្លាំងមែនទែន។ នៅតង់ទី១ ក្រុមអង់គ្លេសបាននាំមុខមុន ដោយ Rashford ធ្វើបានសម្រេចនាទី៣២ដោយបាល់ប៉េណាល់ទី។ យ៉ាងណាមិញ ចូលដល់តង់២ នាទី៧៣ ខ្សែការពារ De Ligt រកគ្រាប់បាល់បានស្មើវិញ ដែលធ្វើឱ្យការប្រកួតត្រូវបន្ថែម១៥នាទី២ដង។ នៅម៉ោងបន្ថែមនាទី៩៧ ខ្សែការពារអង់គ្លេស Walker បានធ្វើឱ្យចូលទីខ្លួនឯង មុនពេលដែល Promes ថែមបានគ្រាប់ទី៣ឱ្យក្រុមហុល្លង់ ឡើងទៅវគ្គបន្ដ។
នៅវគ្គផ្ដាច់ព្រ័ត្រក្រុមហុល្លង់នឹងប៉ះក្រុមព័រទុយហ្គាល់ នៅថ្ងៃទី១០ខែមិថុនាឆ្នាំ២០១៩ខាងមុខនេះ។ ខណៈដែលការប្រកួតដណ្ដើមលេខ៣ គឺក្រុមអង់គ្លេសប៉ះក្រុមស្វីសនៅថ្ងៃទី៩៕ប្រភព៖ Dailymail