ខ្សែការពារ Van Dijk របស់ក្រុម Liverpool គិតថាខ្សែប្រយុទ្ធ Lionel Messi សមនឹងឈ្នះពានរង្វាន់កិត្តិយសកីឡាករល្អជាងគេ Ballon d’Or នៅឆ្នាំនេះ។
កីឡាករហុល្លង់ដែលបានជួយក្រុម Liverpool ឈ្នះពានរង្វាន់ UEFA Champions League បានហៅឈ្មោះ Messi ថាជាកីឡាករល្អបំផុតសម្រាប់រដូវកាលនេះ បើទោះជាក្រុម Barcelona ធ្លាក់ត្រឹមវគ្គពាក់កណ្ដាលផ្ដាច់ព្រ័ត្រក៏ដោយ។ Van Dijk បាននិយាយដូច្នេះថា៖ “ខ្ញុំគិតថា Messi ជាកីឡាករល្អបំផុតលើលោកនេះ ហើយខ្ញុំគិតថាគាត់សមនឹងទទួលបានងារនេះ រហូតនៅពេលគាត់ចង់លេងបានទាត់។ ខ្ញុំគ្មានអ្វីស្ទាក់ស្ទើរឡើយថា Messi នៅតែជាកីឡាករល្អបំផុត បើទោះជាគាត់មិនអាចឡើងដល់វគ្គផ្ដាច់ព្រ័ត្រ Champions League ក៏ដោយ”។
រដូវកាលនេះ Messi ជាម្ចាស់ស្បែកជើងមាសពានរង្វាន់ UEFA Champions League ដោយរកបាន១២គ្រាប់។ មិនត្រឹមតែប៉ុណ្ណឹងទេ សម្រាប់រដូវកាលនេះ រូបគេក៏បានជាប់ឈ្មោះជាអ្នករកគ្រាប់បាល់បានច្រើនជាងគេនៅតំបន់អឺរ៉ុបផងដែរ៕ប្រភព៖ Marca
