ក្រុមអ្នកគាំទ្រ Arsenal ចង់ឱ្យក្លឹបបណ្ដេញលោក Unai Emery ចេញពីតំណែងអ្នកចាត់ការក្រុម បន្ទាប់ពីដឹកនាំក្រុមនេះមិនបានល្អនៅវគ្គផ្ដាច់ព្រ័ត្រ UEFA Europa League ។
ការដែលអ្នកគាំទ្រចង់បណ្ដេញនេះ គឺដោយសារតែពូកគេបានកត់សម្គាល់ថាលោក Emery ដឹកនាំក្រុមមិនមានគោលដៅច្បាស់លាស់ឡើយ។ ក្រុមទាំងមូលលេងវគ្គផ្ដាច់ព្រ័ត្រ ហាក់ដូចជាមិនមានកម្លាំងចិត្តឡើយ ពួកគេលេងមិនប្រឹងប្រែងប្រយុទ្ធរកគ្រាប់បាល់ មិនការពារខ្លាំង មិនមានយុទ្ធសាស្ត្រដើម្បីឈ្នះពានឡើយ។
មានអ្នកគាំទ្រខ្លះទៀតបានប្រៀបធៀបលោក Emery នេះ ដូចទៅនឹងអ្នកចាត់ការ Moyes កាលនៅដឹកនាំក្រុម Man Utd ដូចគ្នា។ ដោយលោក Moyes ដឹកនាំបានត្រឹម១០ខែប៉ុណ្ណោះ ក៏ត្រូវក្លឹបបណ្ដេញចេញវិញ។ អ្នកចាត់ការសញ្ជាតិអេស្ប៉ាញខាងលើនេះ មានបទពិសោធល្អនៅពានរង្វាន់លំដាប់ទី២នៅអឺរ៉ុប ដោយធ្លាប់ដឹកនាំ Sevilla ឈ្នះពាននេះ៣ឆ្នាំជាប់គ្នាឯណោះ ប៉ុន្តែគួរឱ្យសោកស្ដាយការដឹកនាំក្រុម Arsenal វគ្គផ្ដាច់ព្រ័ត្រ បែរជាធ្វើមិនបានល្អទៅវិញ៕ប្រភព៖ Dailymail