ក្រុមកាំភ្លើងធំ Arsenal នឹងត្រូវប៉ះក្រុម Chelsea នៅវគ្គផ្ដាច់ព្រ័ត្រ UEFA Europa League នៅម៉ោង២រំលងអាធ្រាត្រនេះហើយ ដែលការប្រកួតនេះធ្វើឡើងនៅប្រទេសអាហ្សេបៃហ្សង់។
ក្នុងការប្រកួតនេះដែរ មានកីឡាករម្នាក់របស់ក្រុម Arsenal សម្រេចចិត្តស្នើមិនចូលរួមឡើយ គឺ Mkhitaryan ព្រោះតែបារម្ភពីសុវត្ថិភាពរបស់ខ្លួន។ Mkhitaryan ជាជនជាតិអាមេនី ហើយប្រទេសនេះមានជម្លោះប្រវត្តិសាស្ត្រជាមួយអាហ្សេបៃហ្សង់ ដែលជនជាតិទាំងពីរស្អប់គ្នាជាខ្លាំង។ កត្តានេះហើយ ទើបបានជាខ្សែប្រយុទ្ធរូបនេះ សម្រេចចិត្តមិនចូលរួមឡើយ។
ការមិនហានប្រថុយចូលរួមនេះ ក៏ត្រូវបានក្រុម Arsenal មើលឃើញ ហើយយល់ព្រមដែរ។ ក្រុមកីឡាករកាំភ្លើងធំទាំងអស់ បាននិយាយថាពួកគេនឹងប្រឹងប្រែងយកឈ្នះ Chelsea នៅយប់នេះ ដើម្បីលើកពាន Europa League ឱ្យមិត្តរួមក្រុម Mkhitaryan ដែលមិនអាចចូលរួមបាន៕ប្រភព៖ Dailymail
