ខ្សែប្រយុទ្ធ Lionel Messi បានក្លាយជាម្ចាស់ស្បែកជើងមាសទ្វីបអឺរ៉ុបហើយ ក្រោយពីរកបាន៣៦គ្រាប់ លើសគូប្រជែង Kylian Mbappe ៣គ្រាប់។
ការប្រកួតលីគធំៗនៅអឺរ៉ុបបានបិទបញ្ចប់ហើយ ខណៈដែលនៅលីគបារាំងយប់មិញ ក្រុម PSG បានចាញ់ក្រុម Reims ៣-១ ហើយកីឡាករ Mbappe ក៏មិនអាចស្វែងរកគ្រាប់បាល់ ដើម្បីឡើងឈរលេខ១លើស Messi បានដែរ។ ដូច្នេះហើយសម្រាប់ស្បែកជើងមាសទ្វីបអឺរ៉ុបនារដូវកាលនេះ គឺបានទៅលើខ្សែប្រយុទ្ធ Lionel Messi របស់ក្រុម Barcelona ដែលរកបាន៣៦គ្រាប់។
នេះជាការឈ្នះស្បែកជើងមាសលើកទី៦ហើយសម្រាប់កីឡាករអាហ្សង់ទីនរូបនេះ។ ខណៈដែលគូប្រជែងរបស់គេ Cristiano Ronaldo ទើបឈ្នះពាននេះបាន៤ដងប៉ុណ្ណោះ៕ប្រភព៖ Fcbarcelona
