ក្លឹប Everton ទាមទារដល់១០០លានផោនឯណោះ ទើបព្រមលក់ខ្សែប្រយុទ្ធឆ្នើមរបស់ខ្លួន Richarlison សម្រាប់រដូវកាលដោះដូរកីឡាករនេះ។
Richarlison ទើបតែចូលលេងឱ្យ Everton បាន១រដូវកាលប៉ុណ្ណោះ ប៉ុន្តែរូបគេទទួលបានការចាប់អារម្មណ៍ច្រើន។ កីឡាករប្រេស៊ីលរូបនេះ ផ្លាស់មកពី Watford ក្នុងតម្លៃខ្លួនគ្រានោះដល់៤០លានផោនឯណោះ។ លេងបានទើប១រដូវកាលនេះទេ ប៉ុន្តែមានក្លឹបជាច្រើនចង់បានរូបគេទៅហើយ។ ជាក់ស្ដែង PSG និង Atletico Madrid សុទ្ធតែបង្ហាញការចាប់អារម្មណ៍លើរូបគេដូចគ្នា។
ជាមួយគ្នានឹងមានក្លឹបចង់បានច្រើននេះហើយ ខាងថ្នាក់ដឹកនាំក្រុម Everton មិនទាន់ចង់លក់ចេញឡើយ ហើយប្រសិនបើលក់មែននោះ ពួកគេចង់បានដល់ទៅ១០០លានផោនឯណោះ។ កីឡាករដែលជាប់ឈ្មោះក្នុងជម្រើសជាតិប្រេស៊ីលត្រៀមលេង Copa America នេះ រកបាន១៤គ្រាប់ក្នុងការបង្ហាញខ្លួន៣៨ប្រកួតឱ្យក្រុម Everton រដូវកាលនេះ៕ប្រភព៖ Dailymail
