ខ្សែបម្រើប្រយុទ្ធជម្រើសជាតិថៃ Chanathip Songkrasin កំពុងទាក់ចិត្តក្លឹបនៅលីគកំពូលអាឡឺម៉ង់ VfB Stuttgart ចាប់អារម្មណ៍ក្នុងការនាំយកទៅចូលរួម បន្ទាប់ពីបង្ហាញទម្រង់លេងយ៉ាងល្អឥតខ្ចោះជាមួយក្លិប Consadole Sapporo នៅលីគកំពូលជប៉ុន។
សារពត៌មាន Matichon Online របស់ថៃ បានចុះផ្សាយថា កីឡាករវ័យ២៥ឆ្នាំត្រូវបានក្លិបដែលកំពុង Play Off រក្សាកៅអីលីកំពូលមួយនេះ បើកការចចារនិងអាចឈានទៅដល់ការប្រកាសនាពេលឆាប់ៗនេះ។
Chanathip Songkrasin ផ្តើមអាជីពនៅជប៉ុនកាលពីឆ្នាំ២០១៨ តាមរយៈការខ្ចីជើងពី Muangthong United និងទិញផ្តាច់នាឆ្នាំបន្ទាប់។ ក្នុងការបង្ហាញខ្លួនបាន៥៨ប្រកួតនៅ J League គេរកបាន៩គ្រាប់ផងដែរ។
យ៉ាងណាក្តីឪពុករបស់គេលោក Kongpob Songkrasin ថាកូនប្រុសពុំទាន់ឈានដល់កិច្ចសន្យាផ្លូវការណាមួយឡើយ។ ចំពោះខ្លួននិងគ្រួសារគាំទ្រពេញទំហឹង ប្រសិនបើ Messi J មានឪកាសទៅលេងនៅក្រៅប្រទេស។