តារាឆ្នើមបាល់ទាត់ជប៉ុន Keisuke Honda ត្រូវបានប្រកាសជាសាធារណៈជុំវិញការចាកចេញពីក្លឹប Melbourne Victory នៅក្របខ័ណ្ឌ A-League របស់អូស្រា្តលី ក្រោយត្រៀមបិទវគ្គប្រកួតក្នុងពូលទល់ Sanfrecce Hiroshima នៅពានរង្វាន់ AFC Champions League 2019 នាថ្ងៃពុធនេះ។
កីឡាករវ័យ ៣២ ឆ្នាំដែលបានមកចូលរួមនៅក្លឹបអូស្រា្តលីនាខែសីហា ឆ្នាំ ២០១៨ ត្រូវបានស្គាល់ថាជាអ្នកដឹកនាំក្រុមជម្រើសជាតិកម្ពុជា ក្នុងការបង្ហាញខ្លួន ១៧ ប្រកួតនៅ A-League រូបលោករកបានគ្រាប់បាល់ ៧ លើករួចមកហើយ។
Honda នឹងលាអ្នកគាំទ្រនៅប្រកួតចុងក្រោយនាថ្ងៃស្អែកនេះ ស្របពេលក្រុមរបស់លោកក៏មិនអាចឆ្លងផុតវគ្គជម្រុះក្នុងពូល បន្ទាប់ពី ៥ ប្រកួតរកបានត្រឹម ១ ពិន្ទុតែប៉ុណ្ណោះ។
តាមរយៈការបញ្ជាក់ពីសាមីខ្លួនផ្ទាល់៖ “ខ្ញុំពិតជាមានមោទនភាពនាមជាកីឡាកររបស់ក្លឹប Melbourne Victory មួយរូប និងជាឱកាសដ៏មានន័យដែលបានមកលេងនៅអូស្រា្តលី ហើយខ្ញុំចាកចេញលើកនេះក៏ដើម្បីស្វែងរកការប្រកួតប្រជែងបន្ទាប់ តែក៏មិនភ្លេចនៅពេលវេលាដែលខ្ញុំបានចូលរួមនៅ Victory ផងដែរ ដោយខ្ញុំជូនពរឲ្យក្លឹបទទួលបានជោគជ័យទៅថ្ងៃមុខ”។ ប្រភព៖ FoxSportAsia
មើលហាងឆេងគ្រាប់ត និងបង្កើតគណនីឥតគិតថ្លៃនៅ 2MBET