ក្រុមបិសាចក្រហម Manchester United សម្លឹងឃើញខ្សែប្រយុទ្ធមកជំនួសកន្លែងរបស់ Lukaku រួចហើយគឺ Moussa Dembele របស់ក្រុម Lyon ។
អនាគតកីឡាករបែលហ្សិកនៅ Old Trafford អាចមិនយូរទៀតទេ ព្រោះថាលោក Ole Gunnar Solskjaer កំពុងផ្លាស់ប្ដូរកីឡាករច្រើន ជាពិសេសតំបន់ប្រយុទ្ធនិងបម្រើខាងលើតែម្ដង។ ការធ្វើបែបនេះ គឺដោយសារតែក្រុមរកគ្រាប់បាល់បានតិចណាស់ក្នុងការប្រកួតប៉ុន្មានប្រកួតចុងក្រោយមុនបិទរដូវកាលនេះ។ ដូច្នេះហើយ ដើម្បីឱ្យការប្រយុទ្ធកាន់តែមុតស្រួចជាងមុន ក្រុមបិសាចក្រហមត្រូវបញ្ចេញកីឡាករចេញខ្លះ ដើម្បីនាំយកកីឡាករថ្មីមក។
ថ្មីៗនេះ មានប្រភពនៅបារាំងបានបញ្ជាក់ថា Man Utd កំពុងចែចូវយក Moussa Dembele របស់ក្រុម Lyon។ កីឡាករវ័យ២២ឆ្នាំមានតម្លៃខ្លួនប្រមាណជា៤០លានផោន។ ម្ចាស់អាវលេខ៩ ទើបតែបានចូលលេងឱ្យក្រុមបារាំងនេះបាន១រដូវមុនប៉ុណ្ណោះ ដោយបង្ហាញខ្លួន២៧ប្រកួត រកបាន១២គ្រាប់។ មុនក្រុម Lyon រូបគេលេងឱ្យ Celtic បាន៥៥ប្រកួត រកបាន២៦គ្រាប់៕ប្រភព៖ Foxsportsasia
មើលហាងឆេងគ្រាប់ត និងបង្កើតគណនីឥតគិតថ្លៃនៅ 2MBET
