Roy Keane វីរបុរសរបស់ក្រុម Manchester United បានបញ្ជាក់ថារឿងធំដែលបានកើតឡើងក្នុងក្រុមបិសាចក្រហម គឺបណ្ដាលមកពីខ្សែបម្រើ Pual Pogba ។
Pogba មួយរយៈនេះមានបញ្ហាច្រើនជាមួយក្រុម Man Utd ជាពិសេសក្រោយពីចាញ់ Everton ៤-០ មក។ កីឡាករបារាំង ក្រោយពីបរាជ័យធ្ងន់កនោះ បាននិយាយថាក្រុមកីឡាករទាំងអស់ មិនទទួលបានការគោរពពីអ្នកគាំទ្រឡើយ។ សម្ដីនេះ បានធ្វើឱ្យមានមតិរិះគន់ជាច្រើនមកលើ Pogba ត្បិតអីរូបគេជាកីឡាករម្នាក់ ដែលត្រូវទទួលការរិះគន់ដើម្បីស្ថាបនានៅពេលក្រោយ។
ចំពោះរឿងនេះដែរ Keane បាននិយាយថា៖ “ខ្ញុំសឹងតែមិនជឿថា Pogba និយាយដូច្នេះ។ គាត់កំពុងបង្កការលំបាកនិងបំបាក់ទឹកចិត្តកីឡាករហើយ។ មួយរយៈនេះ ក្រុម Man Utd មានបញ្ហាច្រើនកើតឡើង ហើយបញ្ហាដែលធំបំផុតនោះគឺ Pogba នេះឯង។ Ole ត្រូវដោះស្រាយ ដើម្បីកុំឱ្យធ្លាក់ដូចកាលដឹកនាំរបស់លោក Jose ឱ្យសោះ”៕
