ក្នុងការប្រកួតពានរង្វាន់ La Liga កាលពីយប់មិញនេះ ក្រុម FC Barcelona លេងបានត្រឹមស្មើក្រុម Villareal ក្នុងលទ្ធផល ៤-៤ ដោយ Suarez និង Messi ជាអ្នកជួយសង្គ្រោះ។
ការប្រកួតនេះដែរ ពិតជាស្វិតស្វាញមែនទែន ដោយក្រុមអ្នកមានបុណ្យជាអ្នករកគ្រាប់បាល់បានមុនដល់ទៅ២គ្រាប់ដោយ Coutinho និង Malcom ប៉ុន្តែត្រូវបានក្រុមម្ចាស់ផ្ទះវាយបកវិញជាបន្ដបន្ទាប់ រហូតនាំមុខវិញ ៤-២។ ក្រោយពីកីឡាករ Álvaro González ទទួលបានកាតក្រហមនៅនាទី៨៦ ក្រុមភ្ញៀវ Barcelona ក៏បន្ដសម្រុកដូចទឹកបាក់ទំនប់រហូត Messi រកបាន១គ្រាប់នៅនាទី៩០ និង Suarez ថែមបាន១គ្រាប់ទៀតនៅនាទី ៩០+៤ ។ ចប់ការប្រកួត ក្រុមម្ចាស់ផ្ទះ Villareal ស្មើក្រុម Barcelona ៤-៤។
តាមលទ្ធផលនេះ គឺក្រុមអ្នកមានបុណ្យបន្ដនាំមុខគេដាច់ពិន្ទុពឹង ខណៈដែលក្រុម Villareal វិញ ស្ថិតនៅលេខ១៧ ក្បែរតំបន់កាត់ចោលឯណោះ៕ប្រភព៖ Dailymail
