ក្រុម Huddersfield នឹងមិនឃាត់កីឡាករណាម្នាក់ឡើយ ប្រសិនបើពួកគេចង់ចាកចេញពីក្រុមនារដូវក្ដៅខាងមុខ ដើម្បីស្វែងរកក្លឹបថ្មីលេង។
Huddersfield បានធ្លាក់ចេញពីលីគកំពូលអង់គ្លេសហើយ បើទោះជានៅសល់ការប្រកួតក្នុងដៃ៦ប្រកួតទៀតក៏ដោយ។ ការធ្លាក់ទៅលេងនៅលីគទី២នេះដែរ ក៏អាចនឹងធ្វើឱ្យកីឡាករមួយចំនួនសម្រេចចិត្តចាកចេញដើម្បីទៅរកក្លឹបថ្មីអាចបន្ដលេងនៅលីគ Premier League ទៀតដែរ។
ទន្ទឹមនឹងកីឡាករចង់ចាកចេញនេះដែរ លោក Jan Siewert អ្នកចាត់ការនិងម្ចាស់ក្លឹបHuddersfield បានចេញមុខមកបញ្ជាក់ហើយថាលោកនឹងមិនឃាត់កីឡាករណាម្នាក់ក្នុងការចាកចេញនោះទេ។ នេះជាសិទ្ធិនិងការសម្រេចចិត្តរបស់គេ ដើម្បីអនាគត ប៉ុន្តែប្រសិនបើពួកគេព្រមបន្ដនៅទីនេះ ហើយប្រយុទ្ធដើម្បីបានកៅអីឡើងមកលេងនៅលីគកំពូលវិញ នោះគឺជារឿងអស្ចារ្យបំផុតហើយ៕ប្រភព៖ Dailymail