ក្រុម Manchester City កំពុងត្រៀមចងជើងខ្សែបម្រើប្រយុទ្ធ Leroy Sane ក្រោយពីមានក្លឹបជាច្រើនកំពុងចង់បានរូបគេទៅលេងឱ្យដែរ។Sane នៅសល់កុងត្រាជាមួយក្រុម Man City ដល់ឆ្នាំ២០២១ ប៉ុន្តែលោក Pep ចង់បានកុងត្រាវែងជាងនេះទៀត ព្រោះថាកីឡាករវ័យក្មេងរូបនេះកំពុងលេងល្អ និងមានក្រុមជាច្រើនកំពុងតាមចង់បានគេ។ ក្រុម Man City ដើម្បីរក្សាកីឡាកររបស់ខ្លួនបាន គឺត្រូវបន្ដកុងត្រាថ្មីមួយទៀត ដែលនឹងតំឡើងប្រាក់ឈ្នួលឱ្យទៅរូបគេបន្ថែមទៀត។ កុងត្រាថ្មីនោះ ត្រូវបានគេដឹងថា Sane នឹងទទួលបានតម្លៃពលកម្ម១៨០ ០០០ផោនក្នុង១សប្ដាហ៍។
រំលឹកថា Man City មួយរយៈនេះបានបន្ដកុងត្រាឱ្យកីឡាករខ្លួនច្រើននាក់មកហើយ រួមមាន ergio Aguero, David Silva, Raheem Sterling, Kevin De Bruyne និង Gabriel Jesus ជាដើម។ ការធ្វើដូច្នេះ គឺដើម្បីបង្ការកុំឱ្យក្លឹបផ្សេងប្រជែងយកបាន ហើយប្រសិនបើចង់ទិញមែនក៏តម្លៃខ្លួនថ្លៃដែរ ព្រោះពួកគេមានកុងត្រាច្រើនឆ្នាំជាមួយ Man City ទៀត៕
ប្រភព៖ DailyMail
