ឯកអគ្គរាជទូតសកលប្រចាំព្រឹត្តិការណ៍ World Cup 2022 លោក Xavi បានបង្ហាញការជឿជាក់ថាការដែលកំណត់ឲ្យមានប្រទេសទាំង ៤៨ ចូលរួមដែលមានម្ចាស់ផ្ទះជាប្រទេសកាតា គឺពុំមែនជារឿងល្អនោះឡើយ។
សារនេះឆ្លើយតបទៅនឹងសំណើដែលស្ថិតក្រោមការពិចារណាក្នុងការបន្ថែមក្រុមពី ៣២ ឡើងដល់ ៤៨ សម្រាប់ការប្រកួតបាល់ទាត់ពិភពលោកនាឆ្នាំ ២០២២ ខាងមុខ។ ថ្វីបើមិនទាន់មានការសម្រេចច្បាស់ការណាមួយចេញពី FIFA ប៉ុន្តែម្ចាស់ជើងឯកពានរង្វាន់ឆ្នាំ ២០១០ រូបនេះបានសង្កត់ធ្ងន់ថា៖ “វាពិតជាច្រើននិងត្រូវចំណាយពេលវេលាយូរ”។
អតីតកីឡាករលេងនៅ Barcelona និងបច្ចុប្បន្នជាតារាឆ្នើមមួយនៅក្លឹប Al Sadd មានប្រសាសន៍ថា៖ “ស្រមៃដល់ ៤៨ ក្រុមនៃការប្រកួតនៅកាតា នោះមិនជារឿងល្អទេសម្រាប់យោបល់របស់ខ្ញុំ ទាំងដែលសព្វថ្ងៃកាតាកំពុងរៀបចំគ្រប់យ៉ាងសម្រាប់ការប្រកួត ៣២ ក្រុមប៉ុណ្ណោះ បែបនេះវានឹងពិបាកក្នុងការបន្ថែមក្រុមផ្សេងទៀត ពោលគឺគិតថាបាល់ទាត់មាន ៣២ ក្រុមគឺគ្រប់គ្រាន់ណាស់ទៅហើយ”។ ប្រភព: BeSoccer