ក្រុម Sevilla បានបណ្ដេញលោក Pablo Machin ចេញពីតំណែងអ្នកចាត់ការហើយ ក្រោយពីដឹកនាំក្រុមធ្លាក់ចេញពីពានរង្វាន់ Europa League ។
Machin វ័យ៤៣ឆ្នាំ ទើបតែចូលដឹកនាំក្រុម Sevilla កាលពីឆ្នាំ២០១៨កន្លងទៅ ប៉ុន្តែដោយសារតែដឹកនាំក្រុមមិនល្អរដូវកាលនេះ ហើយទើបធ្លាក់ចេញពីពាន Europa League ផងនោះ ទើបបានជាថ្នាក់ដឹកនាំក្រុមមិនសប្បាយចិត្តទេ។ ក្លឹប Sevilla បានចេញសេចក្ដីប្រកាសថា៖ “យោងតាមលទ្ធផលសប្ដាហ៍មុនដែលក្រុមធ្វើមិនបានល្អ ទើបយើងសម្រេចចិត្តបញ្ចប់តំណែងលោក Machin។ ក្លឹបរំពឹងថាលោក នឹងទទួលបានអនាគតល្អទៅថ្ងៃអនាគត”។
Sevilla មិនត្រឹមតែធ្លាក់ពីពានរង្វាន់អន្តរជាតិទេ ពួកគេបច្ចុប្បន្នឈរនៅលេខ៦ក្នុងតារាង La Liga ដោយចាញ់៥ពិន្ទុឯណោះពីតំបន់បានលេង UEFA Champions League នៅរដូវកាលក្រោយ៕ប្រភព៖ Bbc
