ក្លឹបយក្ស Barcelona នឹងត្រូវបើកទ្វារកីឡដ្ឋាន Camp Nou ស្វាគមន៍ក្លឹប Lyon របស់បារាំងនាជើងទី ២ ជំនួបសងសឹកវគ្គ ១៦ ក្រុមចុងក្រោយនាថ្ងៃព្រហស្បតិ៍នេះ។ មុនឈានដល់ការប្រកួតខ្សែការពារ Jordi Alba ក៏បានបង្ហាញនូវការយល់ឃើញមួយចំនួន និងរឿងរ៉ាវអភូតហេតុបានកើតមានកន្លងមក។
Alba បាននិយាយក្រោយបន្តកុងត្រាថ្មីដល់ឆ្នាំ ២០២៤ ដូច្នោះថា៖ “កន្លងទៅ Real Madrid គឺជាក្រុមដែលគ្រប់គ្នាគិតថាអាចឈ្នះពាន ប៉ុន្តែ Ajax ក៏បានឆ្លងផុតពួកគេ ហើយក៏មិនខុសពីរឿងរ៉ាវរបស់ Manchester United អ៊ីចឹងដែរ”។
ខ្សែការពាររូបនេះបន្ថែមថា៖ “តែក៏មានគូប្រជែងដ៏តានតឹងផ្សេងទៀតក្នុងការប្រកួតនេះ បែបនេះយើងត្រូវផ្តោតសំខាន់ឲ្យបានច្បាស់លាស់និងព្យាយាមឲ្យអស់ពីសមត្ថភាពក្នុងការតតាំង Lyon ខណៈការឈ្នះពាន ៣ ពិតជាពិបាកនឹងធ្វើបាន តែក្តីសង្ឃឹមសម្រាប់យើងនៅតែមានជានិច្ច”។
សួរនាំរឿងរ៉ាវភាពរកាំរកូសនៃផ្ទៃក្នុង Madrid កីឡាករអេស្ប៉ាញរូបនេះក៏បានឆ្លើយកាត់ថា៖ “ខ្ញុំមិនមែនជាផ្ទៃក្នុងវិភាគរឿងដែលបានកើតឡើងនៅ Real Madrid នោះទេ ពោលគឺខ្ញុំមិនមែនជាប្រភេទមនុស្សដែលមើលពីអ្វីដែលក្រុមដទៃកំពុងធ្វើឡើយ ទាំងដែលពួកគេបានបរាជ័យច្រើននៅខែមិនា តែសម្រាប់ LaLiga ការប្រកួតប្រជែងយកពិន្ទុនៅតែមានដដែល”។ ប្រភព: Sport-English