ក្រុម Spurs បានបរាជ័យក្រោមថ្វីជើង Southampton ក្នុងលទ្ធផល ២-១ នាការប្រកួតលីគកំពូលអង់គ្លេសកាលពីយប់មិញនេះ។Spurs ដែលជាក្រុមនាំមុខទៅហើយនៅនាទី២៦ ដោយខ្សែប្រយុទ្ធ Harry Kane នោះ បែរជាភ្លាត់២គ្រាប់វិញ នៅនាទី៧៦ និង៨១។ បរាជ័យនេះ បានធ្វើឱ្យលោក Pochettino អ្នកចាត់ការក្រុម មិនសប្បាយចិត្តនោះទេ ហើយថែមទាំងអន់ចិត្តចំពោះសមាជិកក្រុមទាំងអស់ដែលមិនអាចការពារនិងរក្សា៣ពិន្ទុបាន។
លោក បានបន្ដទៀតថា៖ “ប្រកួតនេះ បានបង្ហាញឱ្យឃើញថាយើងនៅមានចំណុចខ្វះខាតច្រើនត្រូវកែលំអ។ នេះ បានបង្ហាញថាយើងមិនទាន់មានសមត្ថភាពគ្រប់គ្រាន់ដើម្បីទៅប្រជែងជាមួយក្រុមដទៃទេ។ ខ្ញុំពិតជាអន់ចិត្តចំពោះការប្រកួតនេះខ្លាំងណាស់”។ ក្រោយពីបាត់បង់៣ពិន្ទុនេះទៅ ក្រុម Spurs អាចនឹងប្រឈមការបាត់បង់តំណែងរបស់ខ្លួន ត្បិតអីបើ Man Utd ឈ្នះ Arsenal យប់នេះ នោះនឹងមានពិន្ទុស្មើគ្នាហើយ៕
ប្រភព៖ DailyMail