ក្រុម Spurs បានប្រកាសពីថ្ងៃដែលប្រើប្រាស់កីឡដ្ឋានថ្មីរបស់ខ្លួនតម្លៃ៨៥០លានផោន ឬជាង១ពាន់លានដុល្លាររបស់ខ្លួនហើយ គឺនៅខែមេសាឆ្នាំ២០១៩ខាងមុខនេះ។កីឡដ្ឋានថ្មីមួយនេះនឹងផ្ទុកអ្នកគាំទ្របាន ៦២ ០០០នាក់។ វាត្រូវបានកសាងឡើងដោយការចំណាយទាំងអស់គឺក្លឹប Spurs ជាអ្នករ៉ាប់រង។ ដូច្នេះហើយទោះបានជាពួកគេមិនបានចំណាយទៅលើការទិញចូលកីឡាករថ្មីណាម្នាក់ទេនារដូវក្ដៅកន្លងទៅ។ តាមផែនការកីឡដ្ឋានថ្មីមួយនេះ អាចប្រើប្រាស់បានតាំងពីដើមរដូវកាលនេះម្ល៉េះ ប៉ុន្តែដោយសារតែមានបញ្ហាបច្ចេកទេស ទើបតម្រូវឱ្យពន្យាពេល ហើយ Spurs ត្រូវលេងនៅទឹកដី Wembley ។
កីឡដ្ឋាន White Hart Lane ថ្មីនេះ នឹងក្លាយជាកីឡដ្ឋានទំនើបជាងគេបំផុតនៅអង់គ្លេស។ ដោយវានឹងប្រើបច្ចេកវិទ្យាប្ដូរទីលានបាន ដោយអាចដាក់ជាទីលានបាល់ទាត់ និងបាល់ឱប៕
ប្រភព៖ DailyMail
