• Solskjaer ​សរសើរ Rashford ​ខំ​លេង​ទាំង​របួស​ដល់​ចប់​ការ​ប្រកួត​

    Ole Gunnar Solskjaer ​អ្នក​ចាត់ការ​បណ្ដោះអាសន្ន​ក្រុម Manchestser United ​សរសើរ​ខ្សែ​ប្រយុទ្ធ Marcus Rashford ​ជា​ខ្លាំង ​ក្រោយ​ពី​រូបគេ​ព្យាយាម​លេង​ដល់​៩០​នាទី​ទាំង​មាន​របួស​។ក្រុម​បិសាច​ក្រហម​ប៉ះ​ក្រុម Liverpool ​នៅ​យប់មិញ​បញ្ចប់​ទៅ​ក្នុង​លទ្ធផល​ស្មើ​គ្នា ០-០។ ខណៈ​​ដែល​ការ​ប្រកួត​នេះ ក្រុម Man Utd ​មាន​របួស​កីឡាករ​ដល់​ទៅ​៣​នាក់​ទៅ​ហើយ ​ត្រឹម​តែ​១​តង់​ប៉ុណ្ណោះ។ ខណៈ​ដែល​តង់​ទី​២ ខ្សែ​ប្រយុទ្ធ Rashford ​មាន​បញ្ហា​របួស​ទៀត ប៉ុន្តែ​មិន​មាន​កីឡាករ​ប្ដូរ ទើប​តម្រូវ​ឱ្យ​រូបគេ​បន្ដ​លេង​រហូត​ដល់​ចប់​៩០​នាទី​តែ​ម្ដង។

    ការ​លេង​ទាំង​មាន​របួស​នេះ ​បាន​ធ្វើ​ឱ្យ​លោក Solskjaer ​សរសើរ​ទឹក​ចិត្ត​របស់​ខ្សែ​ប្រយុទ្ធ​វ័យ​ក្មេង​ខ្លួន​ខ្លាំង​ណាស់។ លោក​បាន​និយាយ​ដូច្នេះ​ថា​៖ “គាត់​បាន​រង​របួស​តាំង​ពី​ពេល​គេ​បង្ក​កំហុស​ដំបូង​លើ​គាត់​ម្ល៉េះ។ ប៉ុន្តែ​គាត់​ដឹង​ថា ​គាត់​ត្រូវ​តែ​លេង​ក្នុង​ប្រកួត​នេះ ​ព្រោះ​យើង​អស់​កីឡាករ​ប្ដូរ​ហើយ។ គាត់​ជា​អ្នក​ប្រយុទ្ធ​ពិត​ៗ​របស់​ក្រុម​បិសាច​ក្រហម គាត់​ដឹង​ថា​ត្រូវ​ធ្វើ​យ៉ាង​ណា​ក្នុង​នាម​ជា​កីឡាករ Man Utd ​លេង​ក្នុង​ប្រកួត​សំខាន់​ដូច្នេះ​”៕

    ប្រភព៖ DailyMail

     

     

    ភ្ជាប់ទំនាក់ទំនងជាមួយ CTS SPORT