លោក Maurizio Sarri នឹងប្រើពេលប្រជុំក្រុមតែ១ម៉ោងប៉ុណ្ណោះ ដើម្បីនិយាយពីយុទ្ធសាស្ត្រប្រកួតទល់ក្រុម Manchester City នៅវគ្គផ្ដាច់ព្រ័ត្រ League Cup នៅថ្ងៃស្អែកនេះ។
ក្រុម Chelsea ទើបតែបរាជ័យក្រោមថ្វីជើង Man City ៦-០ កាលពីលេងនៅលីគអង់គ្លេស។ ស្របពេលក្រុមទាំងពីរនេះនឹងប៉ះគ្នាម្ដងទៀតនៅថ្ងៃស្អែក ដណ្ដើមយកពានរង្វាន់ League Cup នៅកីឡដ្ឋាន Wembley ។ មុនការប្រកួតនេះឈានចូលមកដល់ លោក Sarri អ្នកចាត់ការ Chelsea ដែលកំពុងក្ដៅកៅអី បានបញ្ជាក់ថាលោកនឹងប្រើពេលតែ១ម៉ោងប៉ុណ្ណោះនៅថ្ងៃសៅរ៍នេះ ដើម្បីរៀបក្បួនប្រកួត។
អតីតគ្រូបង្វឹកក្រុម Napoli បានពន្យល់ត្រង់ចំណុចនេះថា៖ “យើងមិនចង់ចំណាយពេលច្រើនទៀតទេ។ ខ្ញុំចង់ឱ្យកីឡាករមានអារម្មណ៍ថាមិនមានសម្ពាធ។ យើងនឹងប្រើពេល១ម៉ោងរៀបចំក្រុមដើម្បីប្រកួត មិនអាចលើសនេះឡើយ”៕ប្រភព៖ Dailymail
