Philippe Coutinho បាននិយាយថាខ្សែប្រយុទ្ធ Mohamed Salah គួរតែមកលេងនៅ Barcelona ព្រោះសមត្ថភាពរបស់គេសក្ដិសមជាមួយក្លឹបអេស្ប៉ាញមួយនេះណាស់។
អតីតកីឡាករ Liverpool ដែលផ្លាស់ទៅលេងនៅ Barcelona នាពាក់កណ្ដាលរដូវកាលកន្លងទៅ បាននិយាយដូច្នេះថា៖ “ច្បាស់ណាស់ Mo គួរតែជោគជ័យនៅ Barcelona ។ យើងនឹងទទួលគាត់ដៃ២ ប្រសិនបើគាត់មកទីនេះ។ វាពិតជារឿងដ៏អស្ចារ្យណាស់ ប្រសិនបើខ្ញុំអាចលេងជាមួយ Mo ក្នុងឯកសណ្ឋានរបស់ Barcelona ”។
ចំពោះរឿងកុងត្រានៅហង្សក្រហម កីឡាករប្រេស៊ីលបានបង្ហើបថាវាមិនមែនជាបញ្ហាឡើយ ក្នុងការទិញផ្ដាច់កុងត្រា។ តួយ៉ាងដូចជារូបគេ កាល Barca ទិញអីចឹង គឺសុទ្ធតែនៅជាប់កុងត្រា ប៉ុន្តែនៅតែអាចមកលេងជាមួយ Lionel Messi បាន។
ម្សិលមិញនេះ មានដំណឹងភ្ញាក់ផ្អើលមួយថាអ្នកតំណាងរបស់កីឡាករសញ្ជាត្តិអេហ្ស៊ីប Mohamed Salah បានផ្តល់សំណើរទៅកាន់ Barcelona ដោយពួកគេនឹងត្រៀមបើកការចរចាក្នុងពេលឆាប់ៗនេះ៕ប្រភព៖ Socceronsunday