លោក Jurgen Klopp បានបញ្ជាក់ថាលោកមិនភ័យបារម្ភ ខ្លាចមិនឈ្នះពានរង្វាន់ English Premier League ទេនៅឆ្នាំនេះ។
ក្រោយពីស្មើ២ប្រកួតកន្លងមកនេះ ក្រុម Liverpool បានធ្លាក់ទៅលេខ២ ហើយ Man City ឡើងទៅលេខ១វិញ ប៉ុន្តែលើសក្រុមហង្សក្រហម១ប្រកួត។ នៅសល់១ប្រកួតក្នុងដៃនេះហើយ បានធ្វើឱ្យលោក Klopp យល់ឃើញថាក្រុមរបស់លោកនៅតែមានឱកាសឈ្នះពានបានដដែល ហើយក៏មិនបានធ្វើឱ្យក្រុមទាំងមូលមានក្ដីភ័យព្រួយអ្វីដែរ ចំពោះការប្រជែងរបស់ក្រុម Man City នោះ។
លោក បានបន្ថែមទៀតថា មានអ្នកគាំទ្រមួយចំនួនមិនទុកចិត្តលើក្រុមបច្ចុប្បន្នដែលនឹងអាចលើនពានបានឬអត់ ប៉ុន្តែអ្វីដែលលោក Klopp ច្បាស់នោះគឺពួកគេបានខិតខំប្រឹងប្រែងខ្លាំងមែនទែន ដើម្បីសម្រេចគោលដៅនេះ។ នៅម៉ោង១០យប់នេះ ពួកគេនឹងត្រូវប្រកួតជាមួយក្រុម AFC Bournemouth ហើយបើឈ្នះប្រកួតនេះ នោះនឹងឡើងកំពូលតារាងវិញហើយ៕ប្រភព៖ Dailymail
