• Liverpool ​ត្រូវ UEFA ​ពិន័យ​ជាង​២​ម៉ឺន​ដុល្លារ ​រឿង​អ្នក​គាំទ្រ​វាយ​ប្រហារ Man City

    ក្លឹប Liverpool ​ត្រូវ​ UEFA ​ពិន័យ​ជាង​២​ម៉ឺន​ដុល្លារ ចំពោះ​រឿង​ដែល​អ្នក​គាំទ្រ​របស់​ខ្លួន គប់​ឡាន​ក្រុង​របស់​ខាង Manchester City ​កាល​ពី​ប្រកួត​វគ្គ​៨​ក្រុម​ចុង​ក្រោយ។

    នៅ​ចាំ​បាន​ថា ​ការ​ប្រកួត​រវាង​ក្រុម Liverpool ​និង Man City ​មាន​ការ​ប៉ះ​ទង្គិច​គ្នា​ច្រើន។ តួ​យ៉ាង​មុន​ប្រកួត ​ពេល​ឡាន​ក្រុង​របស់​ខាង​ក្រុម Man City ​មក​ដល់ ​ក៏​មាន​អ្នក​គាំទ្រ​ក្រុម​ហង្ស​ក្រហម​បាន​យក​ដប​ទឹក​សុទ្ធ​ ​និង​របស់​របរ​ផ្សេង​ទៀត​គប់​ដាក់​ផង​ដែរ។ ដោយសារ​តែ​រឿង​នេះ​ហើយ ​សហព័ន្ធ​បាល់ទាត់​ទ្វីប​អឺរ៉ុប ​សើបអង្កេត ​និង​ចេញ​សេចក្ដី​ប្រកាស​នៅ​ម្សិលមិញ​ថា Liverpool ​ត្រូវ​ពិន័យ​ចំពោះ​រឿង​អ្នក​គាំទ្រ​របស់​ខ្លួន ជា​ប្រាក់​ប្រមាណ​២​ម៉ឺន​អឺរ៉ូ (ជាង​២​ម៉ឺន​ដុល្លារ)។

    មិន​ត្រឹម​តែ​ពិន័យ​ដល់ Liverpool ​ទេ ​ដោយ​ឡែក​ខាង​ Manchester City ​ក៏​ត្រូវ​គេ​ពិន័យ​ដែរ ​ពោល​គឺ​លោក Pep ​នឹង​ត្រូវ​ពិន័យ​១​ប្រកួត ​នៅ​រដូវកាល​ក្រោយ ចំពោះ​កាយ​វិការ​មិន​សមរម្យ​របស់​ខ្លួន៕ប្រភព៖ DailyMail

     

    ភ្ជាប់ទំនាក់ទំនងជាមួយ CTS SPORT