ក្រោយពីធ្វើការស្រាវជ្រាវ២សប្ដាហ៍មកនេះ គេបានប្រទះឃើញយន្តហោះដែលដឹកកីឡាករ Sala នោះហើយ នៅបាទសមុទ្រក្នុងតំបន់ English Channel។
ខ្សែប្រយុទ្ធ Emiliano Sala បានបាត់ខ្លួនជាមួយយន្ដហោះឯកជនមួយគ្រឿង អំឡុងពេលរូបគេធ្វើដំណើរពីបារាំងមកអង់គ្លេស ដើម្បី លេងឱ្យក្រុម Cardiff City ។ គិតត្រឹមថ្ងៃរកឃើញនេះ រូបគេបានបាត់ខ្លួន២សប្ដាហ៍មកហើយ។ ក្រុមអ្នករុករកបានប្រើប្រាស់បច្ចេកវិទ្យាគ្រប់បែបយ៉ាងដើម្បីរកឱ្យឃើញយន្តហោះនោះ។ ចុងក្រោយ នៅយប់មិញ ពួកគេបានបញ្ជាក់ថាបានរកឃើញយន្ដហោះនោះហើយ ប៉ុន្តែការសង្ឃឹមថាកីឡាកររូបនេះនៅរស់នោះ ហាក់ពិបាកបន្តិចហើយ។
ការធ្លាក់យន្ដហោះរបស់កីឡាករខាងលើនេះដែរ បានធ្វើឱ្យមានការសោកស្ដាយយ៉ាងខ្លាំង ត្បិតអីរូបគេជាកីឡាករសុភាពរាបសារម្នាក់ និងជាខ្សែប្រយុទ្ធឆ្នើមផងដែរ ដែលក្រុម Cardiff City ទិញមកក្នុងតម្លៃថ្លៃបំផុតរបស់ក្លឹបនេះ៕ប្រភព៖ Dailymail
