• De Bruyne ​៖ ​ខ្ញុំ​ត្រូវ​ការ​ពេល​វេលា ​ទើប​អាច​លេង​ល្អ​ឱ្យ Man City ​វិញ​បាន

    Kevin De Bruyne ​បាន​ស្នើ​សុំ​អ្នក​គាំទ្រ​ក្រុម Manchester City ​ទាំង​អស់​ថា​ទុក​ពេល​ឱ្យ​រូបគេ​ផង ​ព្រោះ​របួស​ញាំញី​ច្រើន​ពេក​ធ្វើ​ឱ្យ​ទម្រង់​លេង​របស់​ខ្លួន​មិន​អាច​ត្រលប់​មក​ដូច​ដើម​វិញ​ភ្លាម​ៗ​នោះ​ទេ។

    ក្រុម Man City ​នឹង​ត្រូវ​តតាំង​ជាមួយ​ក្រុម Arsenal ​នៅ​ម៉ោង​១១:៣០​នាទី​យប់​នេះ​ហើយ ​ក្នុង​ការ​ប្រកួត​ពាន​រង្វាន់​លីគ​កំពូល​អង់គ្លេស។ នេះ​ជា​ការ​ប្រកួត​សំខាន់​ណាស់​សម្រាប់​ក្រុម​របស់​លោក Pep ​ព្រោះ​ត្រូវ​ការ​៣​ពិន្ទុ​ជា​ចាំ​បាច់ ដើម្បី​ប្រជែង​ជាមួយ​ក្រុម Liverpool ​បន្ដ​ទៀត​នៅ​កំពូល​តារាង។

    ជាមួយ​នឹង​ការ​ប្រកួត​សំខាន់​នឹង​ឈាន​ចូល​មក​ដល់​នៅ​រាត្រី​នេះ​ដែរ ​De Bruyne ​ដែល​ធ្លាប់​ជា​កីឡាករ​សំខាន់​បំផុត​ក្នុង​ក្រុម​នោះ បាន​ស្នើ​សុំ​ចិត្ត​អ្នក​គាំទ្រ​ចំពោះ​ទម្រង់​លេង​មិន​ទាន់​ដល់​កម្រិត​កំពូល​របស់​ខ្លួន។ កីឡាករ​វ័យ​២៧​ឆ្នាំ​បាន​បញ្ជាក់​ថា​បច្ចុប្បន្ន​នេះ​រូបគេ​កំពុង​តែ​ប្រសើរ​ឡើង​ហើយ ខណៈ​ដែល​ការ​រង​របួស​ជង្គង់​២​ដង​ផ្ទួន​គ្នា​នេះ ពិត​ជា​ធ្វើ​ឱ្យ​រូបគេ​ពិបាក​មែនទែន​ក្នុង​ការ​ស្វែង​រក​ទម្រង់​លេង​ឱ្យ​បាន​ល្អ​វិញ​នោះ៕ប្រភព៖ Dailymail

    ភ្ជាប់ទំនាក់ទំនងជាមួយ CTS SPORT