ក្រុមបិសាចក្រហម Manchester United នៅតែមិនទាន់ស្គាល់បរាជ័យដដែលនៅយប់មិញនេះ ដោយបានស្មើក្រុម Burnley ក្នុងលទ្ធផល ២-២។
នៅយប់មិញនេះ ក្រុម Man Utd សឹងតែចាញ់ទៅហើយ ក្រោយពី Burnley នាំមុខ២គ្រាប់មុន។ យ៉ាងណាមិញ ការវាយសម្រុករបស់ពួកគេដើម្បីបានគ្រាប់វិញគឺមិនអត់ប្រយោជន៍ទេ ជាក់ស្ដែងនៅនាទី៨៧ខ្សែបម្រើ Pogba រកបាន១គ្រាប់និងនៅនាទី៩០+២ទៅ ហើយ កីឡាករ Victor Lindelöf ក៏រកបាន១គ្រាប់ថែមទៀត។ ២គ្រាប់នេះល្មមសម្រាប់ឱ្យក្រុម Man Utd បន្ដកំណត់ត្រាមិនចាញ់របស់ខ្លួនទៀត ក្រោមការដឹកនាំរបស់លោក Solskjaer ។
អ្នកចាត់ការបណ្ដោះអាសន្នរបស់បិសាចក្រហម បាននិយាយក្រោយចប់ការប្រកួតថា ការវាយបករបស់ក្រុមខ្លួនពិតជាអស្ចារ្យខ្លាំងណាស់។ ត្បិតមិនបានលទ្ធផល៣ពិន្ទុមែន ប៉ុន្តែលោកពេញចិត្តចំពោះក្រុមទាំងមូលធ្វើបានល្អ និងលេងដោយអស់ពីសមត្ថភាព៕ប្រភព៖ Dailymail