ក្រុមបាល់ទាត់នារី Benfica បានយកឈ្នះក្រុម Pego រហូតដល់៣២-០ នាការប្រកួតពានរង្វាន់នារីតាមតំបន់ក្នុងប្រទេសព័រទុយហ្គាល់។
ក្នុងការប្រកួតនេះដែរ ក្រុមនារី Benfica លេងបាន១៤ប្រកួតមកហើយ ដោយក្នុងនោះពួកគេឈ្នះទាំង១៤ប្រកួត និងរកគ្រាប់បាល់បានច្រើនៗមែនទែន។ ជាក់ស្ដែងពួកគេទើបតែយកឈ្នះក្រុម Pego ក្នុងលទ្ធផលរហូតដល់ ៣២-០ ឯណោះ។ ដោយការឈ្នះច្រើនគ្រាប់យ៉ាងនេះ ក៏បានបង្កើតជាកំណត់ត្រាថ្មីមួយសម្រាប់បាល់ទាត់នារីនៅប្រទេសព័រទុយហ្គាល់ផងដែរ។
ក្រុមបាល់ទាត់នារី Benfica នេះ មិនទាន់ចូលលេងលីគនៅឡើយទេ ដោយពួកគេកំពុងលេងនៅតាមតំបន់ប៉ុណ្ណោះ ប៉ុន្តែរដូវកាលនេះពួកគេស៊ុតបាន២៥៧គ្រាប់ហើយ និងមិនទាន់មានក្រុមណាមួយអាចស៊ុតចូលពួកគេវិញនៅឡើយ។ ខណៈដែលកំណត់ត្រាល្អនេះអាចល្មមគ្រប់គ្រាន់សម្រាប់ក្រុមខាងលើឈានជើងចូលលេងលីគនារីផ្លូវការបានហើយ៕ប្រភព៖ Goal