ក្រុម Millwall ដែលលេងនៅលីគលំដាប់ទី២ របស់អង់គ្លេស បានទម្លាក់ក្រុមនៅលីគកំពូល Everton ៣-២ ក្នុងពានរង្វាន់ FA Cup កាលពីយប់មិញនេះ ។ក្រុម Millwall ហាក់ដូចជាធ្វើមិនបានល្អទេនៅក្របខណ្ឌ Championship ដោយស្ថិតនៅបាតតារាងឯណោះ។ ប៉ុន្តែលេងនៅពានរង្វាន់ FA Cup នេះវិញ ពួកគេបែរជាធ្វើបានល្អណាស់ ដែលអាចស្វែងរកគ្រាប់បាល់ ដល់៣គ្រាប់ ឈ្នះក្រុម Everton បាន។
មិនតែការប្រកួតនេះស្វិតស្វាញទេ ប៉ុន្តែអ្នកគាំទ្រក្រុមទាំងពីរក៏បានប៉ះគ្នាខ្លាំងផងដែរ នៅក្រៅទីលាន។ រហូតមានអ្នកគាំទ្ររងរបួសផងដែរ។មិនត្រឹមតែក្រុម Everton ធ្លាក់ទេយប់មិញ សូម្បីតែក្រុមWest Ham ក៏បរាជ័យក្រោមថ្វីជើង AFC Wimbledon ៤-២ ធ្លាក់ចេញពីពានរង្វាន់ FA Cup នេះផងដែរ៕
ប្រភព៖ DailyMail