• Barcelona ​បរាជ័យ​ជើង​ទី​១ ​ពាន​រង្វាន់ Copa del Rey ​ដោយ Sevilla ​

     

    ក្រុម​ FC Barcelona ​បាន​បរាជ័យ​ក្រោម​ថ្វី​ជើង Sevilla ​ក្នុង​លទ្ធផល ២-០ ​នា​ការ​ប្រកួត​ពាន​រង្វាន់ Copa del Rey ​ជើង​ទី​១ ​វគ្គ​៨​ក្រុម​ចុង​ក្រោយ។

    ក្រុម Barcelona ​ជា​ម្ចាស់​ជើង​ឯក​ពាន​រង្វាន់ Cup ​ខាង​លើ​នេះ ​៤​ឆ្នាំ​ជាប់​គ្នា​មក​ហើយ។ ខណៈ​ដែល​ឆ្នាំ​នេះ​វិញ ​ពួកគេ​ហាក់​ដូចជា​ពិបាក​ឡើង​ទៅ​វគ្គ​បន្ដ​បន្តិច ដោយសារ​តែ​ភ្លាត់​ចាញ់​ក្រុម Sevilla ​ដល់​ទៅ ២-០ ​នៅ​ក្រៅ​ដី​ដូច្នេះ។ នៅ​ជើង​ទី​២ ​ក្រុម​អ្នក​មាន​បុណ្យ​ត្រូវ​ធ្វើ​យ៉ាង​មិច ​ស្វែង​រក​ឱ្យ​បាន​គ្រាប់​បាល់​ចំណេញ​លើស​ពី​២​គ្រាប់​ឬ ​៣-០ ​ទើប​អាច​មាន​ឱកាស​ឡើង​បាន។

    ទន្ទឹម​គ្នា​នេះ​​ដែរ ​គេ​សង្កេត​ឃើញ​ថា​តាំង​ពី​ប្រកួត​មុន​មក​ម្ល៉េះ ​ក្រុម Barcelona ​តែងតែ​បរាជ័យ​នៅ​ជើង​ទី​១ ​ហើយ​វាយ​បក​បាន​វិញ​នៅ​ជើង​ទី​២ ដើម្បី​ឡើង​វគ្គ​បន្ដ។ ការ​បរាជ័យ​នេះ​ដែរ ​គឺ​ក្រុម​មួយ​នេះ​ដាក់​កីឡាករ​បម្រុង​ច្រើន​ឱ្យ​ចូល​លេង ​ហើយ​ក៏​មិន​មាន​វត្តមាន Lionel Messi ​ដែរ។ ប៉ុន្តែ​នៅ​ជើង​ទី ២​វិញ ​ពួកគេ​តែងតែ​ដាក់​ពេញ​ជើង​ដើម្បី​យក​ឈ្នះ​វិញ៕ប្រភព៖​ Dailymail

    ភ្ជាប់ទំនាក់ទំនងជាមួយ CTS SPORT