Arsenal នឹងត្រូវតតាំងជាមួយក្រុម Chelsea នៅម៉ោង១២:៣០នាទីរំលងអាធ្រាត្រនេះហើយ ដែលនេះជាការប្រកួតសំខាន់បំផុតរបស់ក្រុមកាំភ្លើងធំដើម្បីរក្សាតំណែងក្នុង Top4 ។
Arsenal នាពេលបច្ចុប្បន្នកំពុងឈរនៅចំណាត់ថ្នាក់លេខ៥ក្នុងតារាង ដោយចាញ់ពិន្ទុក្រុម Chelsea ៦ពិន្ទុ។ ដូច្នេះហើយការប៉ះគ្នានៅយប់នេះ គឺជាការប្រកួតសំខាន់ណាស់សម្រាប់ក្រុមទាំងពីរនេះ ព្រោះថាបើ Arsenal អាចឈ្នះនោះឱកាសឡើងទៅតំបន់ Top4 របស់ខ្លួនក៏មានខ្ពស់ទៅតាមនោះដែរ។ ប៉ុន្តែបើចាញ់វិញ ឱកាសនោះក៏នឹងកាន់តែឃ្លាតទៅឆ្ងាយតាមហ្នឹងដែរ។
ចំពោះរឿងនេះដែរ លោក Emery បាននិយាយមុនការប្រកួតនេះថា៖ “យើងនឹងប្រើគ្រប់វិធីដើម្បីយកឈ្នះការប្រកួតនេះ។ នេះជាឱកាសល្អបំផុតសម្រាប់យើង ដើម្បីប្រជែងបន្ដទៀត តែប្រសិនណាបើយើងបរាជ័យនោះឱកាសបានចូលតំបន់ Top4 ក៏ពិបាកតាមហ្នឹងដែរ”៕ប្រភពDailyMail
